شہ ایرانءَ سوچگی ٹیل نہ زیرگءِ درے جاپان شوھاز بہ کنت: امریکا

ایرانءِ سوچگی ٹیل بھا کنگءِ راھاں بندگءِ امریکایی قانونءِ لاگو بیگا ساری جاپان شہ دگہ جاگھاں وتی ضرورتانی پیلو کنگا ٹیل زیرگءِ درے شوھازا اِنت۔ تانگہ شہ ایرانءَ زرتگیں ٹیل جاپانءِ صدا دہ کساسا ضرورتا پیلو کنگا اِنت۔ جاپانءِ درملکی وزیر کویچیرو گنباءَ گشتگ کہ آ جھدا اِنت کہ امریکا ھداروکی جاپانءَ ٹیل دیگءِ راھا مہ بندیت۔

جاپانءِ درملکی کارانی وزیر کہ امریکاءِ ترتابا شتگ، گشیت کہ شہ ایران ٹیل زیرگءِ راھا بندگءِ سببا دنیاءِ معیشت تاوانبار بیت۔ اندازہ اِنت کہ دوصد تانکہ 250 ڈالر یک بیرلے تیل بہ بیت۔ اے باروا امریکاءِ سرکاری گوانکوا گشتگ ایرانءِ دلسیاہ کنگءِ درگتا امریکا وتی دوستاں ڈالچار نہ کنت۔ پمیشا جاپانءَ شہ دگہ ملکاں وتی ضرورتاں پیلو کنگءِ درے درگیجگءِ موہ دیگ ضروری اِنت۔ جاپان ٹایمز