ارناءَ شنگ بیتگیں حالےءِ ردا مرچی چابھار ۔ کنرک راھا گاڑی و پرپٹےءِ ڈیکءِ ورگءِ سببا پرپٹا سواریں دو کس کشگ بیتگ اَنت و گاڑیءِ مردمے ٹپی بیتگ۔ کشگ بیتگینانی نام شنگ نہ بیتگ اَنت، بلہ پرپٹ سوار میاریگ کنگ بیتگ اَنت۔
اودا شھرستان سربازءِ پشامگ نامیں میتگےءَ یک رسولبکش رسولی نامیں کماشے ھم کشگ بیتگ۔ رستگیں حالءِ ردا پولیسءِ پوشاکا لھتے مردم پہ دستگیر کنگا آئیءِ لوگا پترتگ اَنت، آئیا مزاحمت کتگ۔ ھمے درگتا تیر ئی وارتگ و جاہ پہ جاہ بیران بیتگ۔
یک دگہ حالے کہ ایشی ھم ارناءَ شنگ کتگ، چابھارءِ شیعہ امام سید محمد موسویءَ شہ سرکارا لوٹ کتگ کہ سالےءَ ساری ‘چابھارءِ تاسوعای‘ءِ سرا وتکش بیڑءِ ردا دستگیریں مردم دادگاھی کنگ و سزا دیگ بہ بی اَنت۔ آئیا سرپدی داتگ کہ لھتے مردم دستگیر کنگ بیتگ اَنت، بلہ انگت دادگاھی نہ بیتگ اَنت۔
ارناءَ شہ زاھدان حال زرتگ و شنگ کتگ کہ اودا شش کس مردم آوارجنیءِ میارا گرگ بیتگ اَنت۔ ایشاں 12 روچ ساریا یک مردمے آوار جتہ بیتگ۔ البت، چاریگانی پٹاسکاریا رند ایش شہ میرجاوہ دستگیر بیتگ اَنت و آوارجتگیں بندیگ رکّینگ بیتگ۔
هیچ نظری موجود نیست:
ارسال یک نظر
وتی کلوا چێرا نبیس إت