امریکاءَ دلرنج کنگءِ سرا پاکستان پشومان اِنت

پاکستانءِ مزن وزیر یوسف رضا گیلانیءَ امریکاءَ رنجینگءِ سرا دلپدردی درشان کتگ۔ آییا گوں اسوسی ایٹد پریسءَ بیتگیں وتی گالگدارےءَ درشان کتگ کہ پاکستانءَ امریکاءِ ڈولیں دوستے پکار اِنت۔ پمیشا آ واھیت کہ سستگیں رشتگ پدا جوڑینگ بہ بیت۔

چدا ساری وایٹ ھاؤسءَ گشتگ کہ صدر اوباما و صدر زرداریءَ وتی نیاما بیتگیں گپانی تھا مارتگ کہ پاکستان و امریکاءِ دوستی پہ ھر دو ملکاں ضروری اِنت۔

”ما پہ دل گوں امریکاءَ دوستی کنگا واھوکیں۔ منی خیالا سستگیں رشتگ پدا تْروک دیگ بیت کنت، و باز توجیل ھم پکار نہ اِنت۔ پرچاکہ ما امریکاءِ خلافا نہ ایں، ما ھمے رواجءِ بھرے ایں؛ ما گوں سرجمیں دیناءَ ھوار کاری کتگ“ گیلانیءَ سرکچ دات۔

گیلانیءِ کارگسا جَتگیں آییءِ کٹمءِ عکسانی ھواریا گوں جورج بوش کشتگیں دو عکس ھم جتگ اَنت۔ ایشانی چکّا 2008ءَ نبیستگیں جورج بوشءِ یک کلوے ھم لچّتگ کہ گشیت آ پاکستانءِ ایمن کنگا گیلانیءَ مدام کمک کنت۔ گیلانیءِ داتگیں تفنگےءِ منّت ھم جورج بشءَ گپتگ۔ دی اکانومکس ٹایمز