نشوی درمانءِ خلافا إیرانءِ مڑتگیں جنگءِ خرچاں مغربی ملک پرچا دیگا اَنت؟

إیرانءَ گرگ بیتگیں نشوی درماں سوچگ بیگا أنت

شه 50 ملکاں گیشءِ نمایندہ ماں إٹلی دیوان کنگا أنت داں نشوی درمانءِ خلافا بیوکیں جنگءِ پڑا إیرانءَ داتگیں کمکءِ کساسءِ فیصلوا به کن أنت. إے دیوان ھنچوشیں وھدێا بیگا إنت که نشوی درمانءِ سوداگرءِ ناما إیرانءَ درتکگیں مردمانی حساب گیش بیان إنت. ھمے ھنییاں دگه شش مردم ماں کرمانشاہ ھمے ڈۆبوا درنجگ بوت أنت۔

مردماں درنجگءِ کار کرد إیرانءِ دادرسی بنجلانی یک سروکےءَ په ملکا مزنیں سوبینیے لیک إت۔ نشوی درمانءِ دیما دارگءِ مقصدا إیرانءَ مدام شه برطانیا، أمریکا و دگه مغربی ملکاں ٹکنیکل کمک تچکا یا أقوام متحدہءِ راھا رسگا إنت۔

گوستگیں ماھا أقوام متحدہءِ نشوی درمانءِ دیمداری تکءِ سروک یوری فداتوءَ گوشتگ أت که آ نشوی درمانءِ دیما دارگءِ پڑا أفغانستان، إیران و دگه ھمساھگیں ملکانی توجیلاں دل أڈی دات۔ آییا ھنییں إیرانءِ سرکارا داتگیں إے ڈولیں کمکءِ بروردانی نام نه گپت۔

اقوام متحدہءِ نشوی درمانءِ دیما دارگءِ تک UNODCءَ 1998ءَ گوں محمد خاتمیءِ صدر بیگا ایرانءِ کمک بنا کتگ اَت۔ اے درگتا ایڈز و نشہءِ عادتءِ دیما دارگا ملکءِ جانسلامتی تکا 2002 تانکہ 2005ءَ باز سوبینی رس ات۔ البت، وھدے کہ احمدی نژادءَ واک دستگپت و ھزاراں سیاسی مردمانی کشگءِ حکما دیوکیں مصطفا پور محمدی ئی تھی کارانی وزیر جوڑ کت، گڈا دیمروی مھتل بوت۔ گارڈین یو کے