شمالی کوریاءِ سروک بیران و چک ئی نوکیں سروک نادینگ بوت

آنلاین حالاں داتگ کہ شمالی کوریاءِ 69 سالگیں سروک کم جونگ شنبہءِ شپا دلا گپتگ و بیران بیتگ۔ آییءِ کسانتریں زھگ جونگ اون ملکءِ نوکیں سروک نادینگ بوت۔ سرکاری ٹلیوژنا داتگ کہ کم جونگ ریلگاریا سوار راھا بیتگ کہ دلا گپتگ۔

شمالی و جنوبی کوریا یک قومے، بلہ دو ملکانی نیاما بھر اِنت۔ شمالی بھرا کمیونسٹی رواج اِنت و جنوبیءَ سرمایہ داری۔ مرتگیں لیڈرءِ راھشونیا شمالی کوریاءِ مردم نیزگاری و شدءِ آماچ کتگ اَنت۔ زانگ نہ بیت باریں نوکیں لیڈر وتی مردماں کجا نیمگا بارت۔ باریں آ کیوباءِ راھول جوڑ بیت اِنت یا وتی پتءِ زوراکیاں برجاہ داریت۔