 |
| کشگ بیتگیں ورنا و دویں کشؤک ۔گارڈین فوٹو |
برطانیاءَ اپریل 1993ءَ یک سیاھیں ورنایےءَ کشگءِ میارا دادگاھا دو انگریز 3 جنوری 2011ءَ میاریگ منّ اِتنت۔ ڈوبسن و نورس نامیں دویں کشوکانی عمر آ وھدی 16 سال و 17 سال بیتگ و نیں 35 و 36 سالگ اَنت۔ دوینانی خلافا کیسءِ سرجم کنگا گیشتر ثبوت شہ DNA و دگہ ساینسی ٹِسٹاں رستگ اَنت کہ ھر دویں میاریگ اش گوں کؤشا ھمگرنچ کتگ اَنت۔
ساینسی ٹسٹانی کشا یکے شہ میاریگانی لوگا چیریں کمیروے ھم پولیسا نادینتگ و شہ آییءِ ضبط کتگیں ندارگ و گپاں ودی بیتگ کہ آیی یک نسل پرستے اِنت کہ سیاھانی کشگا وتی ذمواری لیکیت۔ ھمے ندارگ قاضی و جِیوریا ھم پیشدارگ بیتگ اَنت۔
گوں اے کشؤکاں دگہ کس ھم گون بیتگ اَنت، بلہ پولیسءِ دست انگت تانکہ آواں نہ رستگ اَنت۔ البت، پولیس امیدوار اِنت ھمے دوینانی نیاما یکے وتی ھمراھانی ناماں پاشْک کنت۔
افریقایی نسل اسٹیفن لارنس بسانی اوشتجاھا بسےءِ ودارا بیتگ کہ نسلپرستیں کشوکاںی آیی کارچ کتگ۔ البت، ھما تانی کشوکانی درگیجگا پولیس سوبین نہ بیتگ۔ ناکامیءِ سببا چارگردءِ بازیں تکاں پولیس کچّہ چتگ۔ اے ردا نامداریں حالتاک ‘دی ٹایمز‘ءَ وتی یک سیاھگےءَ نبیستگ ات ”چوش کہ ودی اِنت، مردم 20می قرنءِ گڈسرا ماں برطانیا وتی شوقءِ پورا کنگا مردمے کشت و وتا رکّینت کنت۔“
مرچی بیگاھا دویں کسانی نیاما گیری دوبسءَ 15 سال و دو ماہءِ بندیگیءِ سزا دیگ بوت۔ ڈوبسن چدا ساریا نشوی درمانءِ سوداگریءِ میارا 5 سالءِ سزا گوازینگا جیلا بیتگ۔ دومی کس ڈیویڈ مورسنءَ 14 سال و سئے ماہءِ سزا دیگ بوت۔ سزا دیگءِ درگتا قاضیا گشت کہ قتل بیگءِ دورءِ قانون و کشوکانی ھما وھدییں عمرءِ حسابا آواں سزا دیگ بیتگ۔ اسکائے نیوز
هیچ نظری موجود نیست:
ارسال یک نظر
وتی کلوا چێرا نبیس إت