ارناءَ شنگ بیتگیں حالےءِ ردا ایرانءِ واکداراں منّتگ کہ یک شنبہءِ شپا سراوان دمگا آواں سرجمیا سئے کس کشتگ و سئے ٹپّی کتگ اَنت۔ دو ٹپّی دستگیر کنگ بیتگ اَنت و شہ آوانی گاڑیاں نشوی درمان گرگ بیتگ۔
حالا کُشگ و ٹپّی بیتگیں مردمانی نام نہ داتگ۔ البت، اے دمگا سیمسرءِ ھردویں نیمگاں نندوکیں مردم بلوچ اَنت۔
واکدار حسن ذولفقاریءَ گشتگ ”شپوکانی یک ٹولیے سراوان سیمسرا گوں پولیسا دیم پہ دیم بیتگ۔ شہ دویں نیمگا تیرگواریا پد دو شپوک کشگ و دو ٹپّییں حالتا دستگیر کنگ بیتگ اَنت۔
”دگہ دو گاڑی شہ اودا دیم پہ مشرقءَ تتکگ اَنت۔ پولیس آوانی رندا کپتگ۔ شپءِ تھاریءِ سببا آواں سیمسر نہ دیستگ و ردیا پاکستان (مشرقی بلوچستان)ءَ پُترتگ اَنت۔“
ترانگ بہ کپ ات کہ مشرقی بلوچستانءِ واکاں سئے ایرانی پولیس دستگیر کتگ اَنت۔ ایشاں سیمسر گوازینتگ و دو کس اش تیر جتگ۔ تیرانی آماچیں مردمانی نیاما یکے ٹپانی دردان نہ سگگءِ سببا بیران بیتگ۔
ایرانی واک شہ پاکستانءَ سئیں پولیسانی آزادیءِ لوٹا کنگا اَنت۔ حالءِ ردا تانگہ دویں ملکانی سیمسری واکانی نیاما یک گدارے بیتگ و دومی بیگی اِنت۔
هیچ نظری موجود نیست:
ارسال یک نظر
وتی کلوا چێرا نبیس إت