میانملکی بندش ایرانءَ چونڈک پاچگا اَنت: امریکا

بی بی سیءِ شنگ کتگیں حالےءِ ردا امریکاءَ گشتگ کہ ایرانءِ بیمتراپ اے راستیا شون دی اَنت کہ میانملکی بندشاں ایران اش چونڈک پاچک بنا کتگ۔ ایرانءِ فوجی کماندارا بیان داتگ ات کہ امریکاءِ زری جنگی گراب شہ ھرمز تنکا مہ گوَزیت۔

ھمے بیمتراپا پد امریکاءِ درملکی کارانی گوانکو بانک وکٹوریا نیولنڈءَ گیش کتگ ”ایرانءِ سرا میانملکی گر بند انگت گیشتر کنگ بی اَنت۔“

مرچی یورپی اتحادءَ ھم فیصلہ کتگ کہ آ شہ ایرانءَ تیل زیرگا انگار کن اَنت۔ اے تھْروزا بنا کنگءِ وھد انگت دیگ نہ بیتگ۔ گمان ھمیش اِنت کہ گوں امریکاءِ بندشانی لاگو بیگا ھوار یورپی اتحاد ھم بندش جنت۔

گاڑڈینءِ ردا ھنّی تیل زیرگا ایرانءِ مزنتریں گِراک چین اِنت و دومی پورپ اِنت۔ یورپ ھر روچ 450000 ھزار بیرل سوچگی ٹیل شہ ایرانءَ زیرگا اِنت۔

اِشیا ٹایمزءَ داتگ کہ بندشانی حالا میانملکی مڈیاں ٹیلءِ بھا بُرز برتگ۔ ایشیا ھوار ایرانءِ زر ھم ھنچوش جھل کپگا اِنت کہ اودءِ وتی مردم ایرانی زرّاں طلا و ڈالر کنگا اَنت۔ مردمانی اے کارکردا ملکءِ بنک بے گوَم کتگ اَنت۔