چمشانک: ولید گربنی
سرظاھرا یعقوب مھرنھاد یکـّے چہ دگہ ھزاران کسان اَت کہ ایرانی واکانءِ ناروائین کارپدانءِ آماچ بیت۔ بیت کنت پہ درامدان ھمے ڈول بہ بیت۔ ھنچؤ کہ بلوچ تھرانی، اصفھانی و یزدیءِ سرا کتگین زوراکیءَ پہ درد بنت ھما ڈولا ھمے ھندانءِ نندوکین انساندوستان بلوچءِ سرا کپتگین بـِیــر تـَورینت کـَنت۔ و ھمے سبب اِنت کہ فارس میڈیاءِ توکا ھر جاگہ یعقوبءَ شھید کنگءِ سرا دلپدردیانءِ درشانی گندگ بیگا اَنت۔ البت بلوچ بہ زان اَنت کہ چہ اِشان ھچ یک یعقوبءِ اَصلی مارشتانءِ درانگاز کنوک بیت نہ کنت۔ یوکا ھما کس کہ پہ راجی جیڑوانءِ گيشینگا یعقوبءِ فلسفہءَ سرپد اِنت و آئیءِ مشکلان فھمگءِ توان ئی بہ بیت؛ ھما توانیت تچکترین چمشانکے مھرنھادءِ جهد و فلسفہءِ سرا دات بہ کنت۔ یے کس چہ یک بلوچےءَ شرترینے بیت نہ کنت۔ یوکا ھما بلوچ کہ بلوچستانءِ راجی جیڑہءِ تک پھناتان سھیگ بہ بیت، راجءِ سرا تاریخی زوراکیان بہ زانت و ھنـّوگین جاوران گون پچین دل و چمّان دیست بہ کنت؛ مارت کنت کہ یعقوب مھرنھاد پرچا مجبور اَت مان بیمناک وگٹگیرین چاگردےءَ وتی راجی مارشتانءِ تبلیغءَ بہ کنت. پیر، جوان؛ جنین و مردینانءِ دلان گـُؤر کـُتگین مارشتان پچ بہ درھیئنیت!
سرظاھرا یعقوب مھرنھاد یکـّے چہ دگہ ھزاران کسان اَت کہ ایرانی واکانءِ ناروائین کارپدانءِ آماچ بیت۔ بیت کنت پہ درامدان ھمے ڈول بہ بیت۔ ھنچؤ کہ بلوچ تھرانی، اصفھانی و یزدیءِ سرا کتگین زوراکیءَ پہ درد بنت ھما ڈولا ھمے ھندانءِ نندوکین انساندوستان بلوچءِ سرا کپتگین بـِیــر تـَورینت کـَنت۔ و ھمے سبب اِنت کہ فارس میڈیاءِ توکا ھر جاگہ یعقوبءَ شھید کنگءِ سرا دلپدردیانءِ درشانی گندگ بیگا اَنت۔ البت بلوچ بہ زان اَنت کہ چہ اِشان ھچ یک یعقوبءِ اَصلی مارشتانءِ درانگاز کنوک بیت نہ کنت۔ یوکا ھما کس کہ پہ راجی جیڑوانءِ گيشینگا یعقوبءِ فلسفہءَ سرپد اِنت و آئیءِ مشکلان فھمگءِ توان ئی بہ بیت؛ ھما توانیت تچکترین چمشانکے مھرنھادءِ جهد و فلسفہءِ سرا دات بہ کنت۔ یے کس چہ یک بلوچےءَ شرترینے بیت نہ کنت۔ یوکا ھما بلوچ کہ بلوچستانءِ راجی جیڑہءِ تک پھناتان سھیگ بہ بیت، راجءِ سرا تاریخی زوراکیان بہ زانت و ھنـّوگین جاوران گون پچین دل و چمّان دیست بہ کنت؛ مارت کنت کہ یعقوب مھرنھاد پرچا مجبور اَت مان بیمناک وگٹگیرین چاگردےءَ وتی راجی مارشتانءِ تبلیغءَ بہ کنت. پیر، جوان؛ جنین و مردینانءِ دلان گـُؤر کـُتگین مارشتان پچ بہ درھیئنیت!دنیاءِ پھکین زورانسرین واکدارانءِ ناروائیانءِ سبب ھمے بیتگ اَنت کہ آوان مردمانءِ پریات پہ وت بیھار لیئکتگ اَنت۔ تـُرسِتگ اَنت کہ پچ دِرَھینتگین مارشت چؤ کہ لھڑین ھارءَ آوانءِ واکداریءِ کرسیءَ رؤپ اَنت و بر اَنت! ھمے بیمّا آ ناروائی کنگا مجبور کت اَنت۔ چہ ھمے ترسؤکین سرکاران یکـّے ایرانءِ ھنوگین دولت اِنت۔ اگر چؤ مہ بیتین اَت گڈا چے پئیم یک اِنساندوستین بنیادمے کہ آئی مورے نہ آزرینتگ اَت و مدام دست ئی پہ دوستی دیم پہ واکداران شھارتگ اَت؛ دستگیر کنگ، لٹ کٹ و پدا درنجگ بیت؟
پرچا ایرانءِ واکداران چہ دنیاءِ اوارین کنڈان دیم داتگین دستبندی ڈالچار کت اَنت و یک ھنچین مردمے کہ آئی ' تو ھم زندگ بی و منا ھم زندگ بیگءِ حقـّا بہ دے'ءِ فلسفہءِ واھند اَت؛ دِرَتک؟ زانان ایرانی واکدارانءِ خیالا یوکا ھما کسان زندگ بیگءِ حق ھست کہ آ ھر سرکاری ترانءِ جوابا بہ گشیت 'ھرچے تو گشے واجہ'؟ زانان مھرنھادءِ واھگا کہ مغربی بلوچستانءِ مردم نواب اکبر بگٹیءِ پرسءَ دارگءِ حق دیگ بہ بنت؛ ایرانی واکانءِ لاپ ئی لگت جت؟ یا گون ھُردچارین زابلیانءِ ٹؤکانءِ جوابا سید ظھورشاہءَ چہ جاھل و ھامین ایرانی رضا شاہ برزتر جنگا مھرنھاد فارسانءِ ھستین ارزش دئور دات؟ اگر مھر نھادءِ لوٹ کہ چہ بلوچستانءَ کاردوز، بلوچ دشمن و ھُردچارین سرکاری کارمند دیر کنگ بہ بنت؛ منـّگ بہ بیتین اَت؛ احمدی نژادءِ سرکار کپتگ اَت؟ یا چه مهرنهادءِ دِرَنجگا پد احمدی نژادءِ واک مان بلوچستانءَ گيئشتر بیت؟
پرچا ایرانی واکدار تـُشے فکر نہ کن اَنت و نہ مار اَنت کہ دنیاءِ توکا پہ زور توار گار بیت نہ کن اَنت، راج پہ کـُشگ گار نہ بنت، نے کہ مردمانءِ حقانءِ منـّگا ملک و سرکار نزور بنت۔ مردمانءِ توکا رنگ، زبان، درؤشم و بالادءِ فرق پہ شـَرّین ملک و دَمَگان نعمت اَنت۔ اِشان پھازگ و ردوم دیگ دودربیدگی گنجءَ پُرتر کنت۔ اِشانءِ رشت کنگءِ راھانءِ پچ کنگ ملکانءِ توکا روزگارءِ در پَچ کن اَنت، و برکت اِشان نیزگاری کم تـَرّیت۔ مردمانءِ راھبندانءِ پھازگا آوانءِ دوستی گون سرکاران گيئشتر بیت۔ گون ملکءَ مھرکن اَنت و پہ اشیءِ پَھازگا وتی جانانءِ نـَدر کنگا چکّ پد نہ بنت۔
مروچی کہ ایرانی واکداران بلوچ، کرد، عرب و ترکمانءِ سرا اِنچوک ظلم کتگ؛ ھست اِنت کسے چہ یے قومان کہ پہ ایرانءِ تاوانباریءَ پدرد بہ بیت؟ اگر ھمے ظلمءِ بدلا آوانءِ مشکلان سرپد بیگءِ جھد بہ بیتین اَت و گون آوانءِ ھمشوریءَ پہ مشکلانءِ حل کنگا راہ گيشینگ بہ بیتین اَنت، گڈا چے ضرورت اَت کہ مان بلوچستانءَ مھرنھاد و دگہ جاھان دگہ چست بہ بنت و پریاپ بہ کن اَنت، و لھتے جاوران سرکارءِ خلافا سلاح لانکا بہ بنت اَنت؟ زانان ایران واکدارین راج فارسءَ بید چہ ھمے بلوچ راجءَ کہ مروچی آئیءِ پنچ، لگت، تیر، توپ و ڈوبارگانءِ دیمپان اِنت؛ دگہ دوستے کـَش گورا ھست اِنت؟ اگر ھمے بلوچ راجءَ واکدارتر کنگءِ جھدے ایرانءَ بہ کتین اَت؛ مروچی ایرانءَ یک ھمبلـّین راجے کشا اوشتاتگ اَت!
شیعہ سرکار فکر کنت کہ عراقی و لبنانی شیعہ پہ آئی تیئپے پورش اَنت! چشمکا ملیونانءِ حسابا اودا زرّ خرچ کنگا اِنت۔ آ بہ زانت کہ ناکن چہ گؤشتءَ جدا نہ بیت؛ عرب ھمنچوک چہ وتی حکومتان بیزار بہ بنت، آ وت براتان ویل نہ کن اَنت و گون ایران ھؤر نہ بنت۔ ایرانءِ واکدارین فارس بہ زانت کہ مان جھانءَ گون آئی نزیکترین راج -سرڈگار حسابا بہ بیت یا تاریخ و زبان- بلوچ اِنت۔ چمشکا مھرنھادءَ بے گناہ شھید کنگءِ سرا وتی پشومانیءَ درشان بہ کنت و آئیءِ کِشتگین نِھالءِ ردوم دیگا گون مهرنهادءِ کھول و پشت پدان ھؤرکاری بہ کنت۔ ھمے په ایرانءِ جندا فایدہ اِنت۔
هیچ نظری موجود نیست:
ارسال یک نظر
وتی کلوا چێرا نبیس إت