زابلءَ ابوحنیفہ نامین مدرسہءِ چست ایئر سرا بلوچی نیوزءَ تبصروے کتگ اَت، اؤدا گشگ بیتگ اَت کہ یے ایرانی واک و سنـّی ملاوانءِ سازتگین کارے بیتگ؛ گڈا بازین دوست و نادوستان پہ ما ئی مئیل راہ داتگ و وڑ وڑین ڈؤبہ مئے چکـّا جتگ اَنت۔ البت چہ ڈؤبہ اَنگت مزنترین حسابےءَ سنگتان مارا ساڑایتگ و مئے ھمّت ستا داتگ کہ چشین سرحالےءِ سرا بے ترس ما وتی نظر ایمانداریءَ درشان کتگ۔ضروری اِنت کہ ھمے ردا کموک گيئشتر تران بہ بیت تا ھما کس کہ گون ما ھمخیال نہ اَنت مسئلوا شرتر سرکچ بہ ور اَنت۔
رند چہ پاسدارانءِ یک بسےءَ مان زاهدان 14 فروری 2007 تراکینگا ایرانی واکان بازین بلوچ دستگیر کت اَنت۔ اشانءِ توکا بازین ملا ھؤر تنت۔ ھمے دورانا زابلءِ مدرسہ سرا ھم واکان یورش برت و لھتے ملا و شاگرد دستگیر کت اَنت۔ ادا مدرسہ ابوحنیفہءِ سروک حافظ محمد علی ھم گرگ بیتگ اَت۔ بلے پدا ملا و شاگرد ویل کنگ بیت اَنت۔
چہ اِشی رند حال شنگ بیت کہ مدرسہ بے اجازتءَ اڈ کنگ بیتگ، چمشکا اشی بند کنگ و پرؤشگ بہ بیت۔ چہ یے حالءِ شنگ بیگا رند مدرسہءِ نام گار بیت۔ البت ھمے دورانا ایرانی واکان 900 میلین ریال پہ 500 مسیت و مدرسوان خرچ کت۔
نین ادا ھچ دلیلے نیست اِنت کہ مدرسہ ابو حنیفہءَ پروشگءِ بُھا سنـّی ملاوان دیگ نہ بیتگ و پہ اشیءِ پرؤشگا آوانءِ رضا گؤن نہ بیتگ!
پدا وھدے ھمے مدرسہءَ پرؤشگءِ حالءَ شنگ کنوکین مردم گش اَنت مدرسہءِ پرؤشگ بامگاہءِ کلاک 3:00 بُندات بیتگ، مدرسوا 600 طالب وانگا بیتگ اَنت (کہ گيئشتر باید ھمے مدرسہءِ ھاسٹلءَ بہ بیتین اَنت کہ ھؤریءَ پرؤشگ بیتگ) وکس نہ زانت کجا شتگ اَنت!
یے حبرءِ سببا دگہ بازین جُست سرء کشّ اَنت کہ پَسّوے لؤٹ اَنت۔ ایرانی واکان شش صدین طالب الـّما دستگیر نہ کتگ اَنت. راستی چوش بیت کنت که یے دگہ مدرسوان جاہ دیگ بیتگ اَنت و نزیکترین مدرسہ مان زاھدان اِنت کہ اودا ماھے پیئسر ھموک سالانءِ ڈولا ملکی و درملکی 200 نوکین سنـّی ملاوان پاگ بندگ بیتگ ات۔
ھنچؤکہ پیئسری تبصرہءَ ما گشتگ اَت، یے گامگیج شیعہ و سنـّی ملا و سرکارءِ ھمشؤریءَ زیرگ بیتگ۔ اشیءِ ڈراموے جؤڑ کنگ ملاوانءِ کپتگین حیثیتءَ چست کنگا بیئد دگہ ھچ بیت نہ کنت۔
هیچ نظری موجود نیست:
ارسال یک نظر
وتی کلوا چێرا نبیس إت