صداءِ امریکا فارسیءِ نبیستگین حالےءِ ردا پاکستانی حالتاکان گؤستگین جمعہءِ روچءَ چہ وزیر اعظم یوسف رضا گیلانی نقلء قول کـُتگ کہ آصف علی زرداری چہ مسلمان ٹرورسٹان وتی جانءِ رکـّینگا آئیءِ لوگءَ چيئر اِنت۔ البت وھدے یوسف رضا گیلانیءِ گوانکو یے باروا جُست کنگ بیتگ گڈا آئی نہ مَنِـّتگ۔
راستیا گندگ بیگا اِنت کہ چہ ھما روچءَ کہ آصف علی زرداری پہ پاکستانیءِ صدارتءَ گچینکاریان وتی نام ھؤر کتگ حالتاک و حالجاھان آئیءِ عکس و بیان گندگ نہ بيگا اَنت۔
تبصرہ کنوکانءِ خیال اِنت کہ پاکستانءَ بازین کٹر و ملاّ آصف علی زرداریءَ ملکءِ صدر گِندَگ نہ لؤٹ اَنت۔ چیاکہ آوانءِ خیال اِنت اگر آصف زرداری صدر جؤڑ بہ بیت، گڈا آوانءِ خلافا ترندین گام چست کنت که اشیءِ سیت امریکا و پاکستانءِ لبرال فکرانءِ واهندانءَ رسیت۔
یے وھدی ملا و دگہ مذھبی واک چه افغانستان وتی ولگؤج بیگا رند مان جھانءَ پاکستانءَ یوکین ملک گندگا انت کہ اؤدا وتا بہ منـّائین اَنت۔ البت گؤن آصف علی زرداریءِ آیگا اشانءِ یے امیدءَ آپ بارت کنت۔
هیچ نظری موجود نیست:
ارسال یک نظر
وتی کلوا چێرا نبیس إت