مشرقی بلوچستانءِ شمالی ھندان ترندین زمین چنڈانءِ سببا نزیک 100 کس بیران، صدان حسابا مردم ٹپّی و ھزاران کس بے لوگ بوت۔ گيئشتر تاوانبارین ھند زیارت و پشین دمگ أنت۔ پہ مردمانءِ کمکا پاکستانی سرکارا دو ھلی کاپٹر گون دوا درمان دمگا دیم دات۔گون بی بی سی وتی ترانان 'ھلال احمر'ءِ کارمندےءَ گشت کہ کمّا چہ کمتر 80 مردم یوکا مان یک شھرےءَ بیران بوتگ أنت۔ پولیس أفسرےءَ گیئش کت کہ پنچ صدا چہ گيئش لوگ تباہ أنت۔
چہ دمگا گچين بیتگین بلوچستان إسمبلیءِ باسک عبدالرحیم زیارتوال گشت کہ زیارتءِ کلّگ 'کواس، ورچوم، و کانڑ'ءِ بازین لوگ پروشتگ أنت، و شک ظاھر کت کہ شاید بازین مردم بیران بہ بنت۔
کوئٹہ شھرا ھم کلاکےءِ توکا دو رندا زمینءَ چنڈتگ۔ أولی برا صحبءِ کلاک 4:30ءَ و دومی برا کلاک 5:15ءَ کہ إیشی ترندی 6:2 ضبط بیتگ۔ دومی چنڈگا رند سرجمین شھرا برقءِ رسگ بند بیتگ و پدا چه لھتے نیمگان تفنگی تیرانءِ توار ھم إشکنگ بیتگ۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت