جرمنیءِ یک دمگےءَ دو روچ برقءِ بند بیگءِ سببا مردمان ٹلوژن پہ چارگا نہ رستگ، چمشکا وتی دلگوش إش وپتوابءِ نیمگا داتگ و إے دوئین روچان گيئشتر جنینانءِ لاپا چک کپتگ۔ چہ آ روچان 9 ماہ پرگوَزگا رند دمگا ودی بیتگین چکانءِ حسابا 44 درصد گيئشی آتکگ۔
آنلائن شنگ بیتگین حالا داتگ کہ گوستگین سالءِ دسمبرءَ 'ماسدریل' دمگا برق رسینوکین سیم ھلی کاپٹرےءِ بانزان سستگ أنت۔ إیشیءِ سببا دمگءِ مردمان تا دو روچ برق نہ رستگ۔ إے ڈول آ تھاروکیءَ گون ھؤر سارتیءِ آماچ بیتگ أنت۔ ألبت گندگ بیگا إنت که وتا گرم دیگ یک دگہ غذرے بیتگ کہ جنین و مردین یکّا دگرا وتی أنبازان بہ زیر أنت۔
دیریگینے إنت کہ جرمن سرکار وتی مردمی آبادیءِ کم ردومیءِ سرا پریشان إنت۔ نوکین دئورءِ جنین آدم گيئشتر روزگارءِ نیمگا دلگوش گوَر کنگا أنت، ھما وھدی کہ چک آرگءِ ترانگا کپ أنت دیر پـِر گوَزیت و آوانءِ چک مات بیگا مشکل بیت۔ جرمن واکدار گشگا أنت که إے یک حادثوے بیتگ و پہ وتی مردمی آبادیءِ گيئش کنگا برقان بند کنگءِ راھا آ رندگری نه کن أنت۔
.
إے حالءِ وانگا رند نین مردم سرپد بیت کہ ھندوستان، پاکستان و أفغانستانءِ پیمین ملکان مردمی آبادیءِ بے حسابین ردوم برقءِ کمّی یا چٹا نہ بیگ إنت۔ چمشکا ھما زر کہ اؤدءِ سرکار و میان اُستمانی إدارہ پہ 'فملی پلاننگا' خرچ کنگا أنت أگر پہ برق رسینگا خرچ بہ بنت آوانءِ مقصد سادہ تر و آسودگیءَ پیلو بنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت