نشنل پارٹیءِ صوبه بلوچستانءِ ذموارانءِ دیوان پارٹیءِ صوبائی صدر داکٹر یاسین بلوچءِ پاگواجھیءَ گلءِ بنجاھی کارگس کوئٹہءَ برجاہ دارگ بوت۔ دیوانءَ بلوچستانءِ توکا فوجءِ کارپد إیر جت أنت و جنگءِ سببا درپدر بیتگین مردمان پدا وتی میتگان برگ و نندارینگا کمک نہ کنگا سرکار کِچّہ چـِنگ بوت۔
دیوانا بندیگین سیاسی جھدکاران آزاد نہ کنگءِ سرا ھم واکدار إیراز گپت و لوٹ کت کہ بندیگ ویل کنگ، فوجی یورش دارگ و درپدر بیتگین مردم پدا برگ و وتی ھندان نِندارینگ بہ بنت۔
پہ ھمے لوٹانءِ منّينگ و سرکارءِ تھروز کنگا سرجمین بلوچستانءَ پارٹیءِ باسک 20 نومبرءَ سیاھین روچے حسابا گوازین أنت۔ ھؤریا پارٹیءِ جُھدکار مچّی کن أنت و حالکاری کارگسانءِ دیما سروک تران کن أنت۔
آ دگہ دیما بی إس او -آزاد 2 نومبرءَ بلوچ سرمچارانءِ حمایتا یک رالییے در کنگا إنت و پہ إیشی سوبین کنگا باز تچ تاچ بیگا إنت۔ دگہ راجی گل و ٹولیان ھم إے رالیءِ پلانگریءَ زیرگءِ جار جتگ۔ إیشانءِ نیاما "بی آر پی"، "أنجمن إتحاد مری" و بلوچ نشنل فرنٹءَ ھورین آ دگه گل گون أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت