پہ بابائے بلوچستان غوث بخش بزنجو ٹورنامنٹءِ دادا سند و بلوچستانءِ چار فٹبال ٹیمانءِ دیم پہ دیمی بوت۔ أولی لئیب نوشکی کلب و بلوچ کلب کوئٹہءِ نیاما بوت۔ إیشی بلوچ کلب کوئٹہءِ لئیبی عبدالقیومءِ داتگین دو گولان گون برگ بوت۔ نوشکی ٹیم ھچ گول کت نہ کت۔دومی لئیب "سند پرئس کراچی" و "پاک پی ڈبلیو ڈی کراچی"ءِ نیاما بوت۔ إے لئیب تا وھدءِ خلاص بیگا بے گولےءِ جنگا برابر بوت۔ رندا پلانٹی سرا سند پرئس کراچیءَ 4-3ءِ حسابا لئیب برت۔
روچتاک توارءِ ردا بزنجو فٹبال ٹورنامنٹءِ گڈی لئیب باندا بیگی إنت و خاصین مھمان بلوچستانءِ سر وزیر واجہ أسلم رئیسانی بیت و دگہ سرین سیاسی، دودربیدگی و چاگردی مھمان پہ لئیبءِ چارگا ودی بنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت