إیرانی واکان مندءِ نزیکا مان سیمسرا غیر قانونی إیرانءَ پترگءِ درگتا 20 پاکستانی دستگیر کت و پاکستانی پولیسءِ دستا دات أنت۔ دستگیر کتگین مردم پٹان و پنجابی أنت کہ إیرانءِ راھا مان عرب و یورپی ملکان روگءِ واھوک بیتگ إنت۔
بلوچستان یونیورسٹیءَ پہ مختلفین دمگانءِ وانوکان وانگ دربرگءِ جاہ گيئشنگا سرکار و سیاسی گلانءِ ھورین دیوانے مان کوئٹہ برجم دارگ بوت۔
بلوچستان یونیورسٹیءِ وائس چانسلر داکٹر یاسین زئیءِ سرکشّیا برجم داشتگین إے دیوانءِ توکا صوبہءِ وزیر تعلیم واجہ شفیق أحمد خان، نشنل پارٹیءِ طاھر بزنجو، بلوچستان نشنل پارٹی مینگلءِ حبیب جالب و دگہ بازین گلانءِ نمایندوان بھر زرت۔
دیوانا مان 15 أکتوبر بلوچستان یونیورسٹیءِ وانوکانءِ نیاما بیتگین جنگ و چوپ إیر جت و دیمترا إے ڈولین جیڑوانءِ دیما دارگا گون یکّا دگر ھؤرکاری کنگءِ فیصلہ کت۔ إے شـَور هم بَست کہ گون وانوکانءِ ھمشوریءَ پہ آوانءِ مشکلانءِ ٹھینگا آیوکین روچان فیصلوے کنگ بیت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت