نامداریں بلوچ جھدکار إحسان أرجمندی کہ ماں ناروے جاہ منند إنت، مشرقی بلوچستانءَ دستگیر بوت۔ شہ مند دیم پہ کراچی روگءِ درگتا إحسان أرجمندی چاریگاں شہ کوچا إیر گپت و گوں وت إش برت۔بلوچی نیوزءَ رستگیں ألــّمیں حالےءِ ردا "ماں بیلہ دمگا 'زیرو پوئنٹ'ءَ فوج و چاریگاں شہ بلوچستانءِ أواریں ھنداں دیم پہ کراچی راھییں کوچاں سواریں مردم یک یکـّا پؤلت أنت۔ وھدے إحسان أرجمندیءِ باریگ آتک، گڈا آئی إش شہ کوچا إیر کپت، چم إش بست أنت و گوں وت إش برت"۔
إحسان أرجمندیءِ ھمراھانءِ گشگ إنت کہ آئی پہ وتی نادراھییےءِ علاجا دیم پہ کراچی راھی بیتگ۔ کٹمءِ مردم ئی إے وھدی سک پریشان أنت۔ ألبت پہ إحسانءِ آزاد کنائینگا آئیءِ سیال و سنگتاں ناروے سرکار و ناروےءِ سفارت إسلام آبادءَ رابطہ کپتگ۔
إحسانءِ کٹم و سنگتاں شہ پاکستانی واکداراں لوٹ کت کہ آئیا رسگا یلہ بہ دے أنت۔ پرچاکہ آئیا ھچ وڑے میارے نہ زرتگ۔ و أگر آ تاں دیرا دارگ بہ بیت، گڈا ناداھیءِ سببا جانسلامتی ئی خطرا بیت إنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت