بلوچ رپبلکن پارٹیءِ راھدربر میر براھمدغ بگٹیءَ گشت کہ سلاحبندیں سرکاری واک ماں بلوچستان آس و خونءِ لئیبے گوازی کنگا أنت۔ بے میاریں بلوچ تیرانءِ آماچ بیگا أنت و بلوچ نوجواں و وانوکاں چکانپگا رند واکدار ماں بندیگجاھاں ناروائیانءِ دیمپان کنگا أنت۔میربراھمدغءِ بیان بلوچ رپبلکن پارٹیءِ گوانکو میر شیرمحمد مریءَ دیرگوانکءِ سرا شہ چیریں جاھےءَ ماں نوشکی برجم داشتگیں دیوانےءِ دیما وانت۔ دیوان شھید أعظم نواب أکبر شھباز بگٹیءِ یادا سرجم بیتگ أت۔
بیانا سرکچ دات "شاہءِ شھیدان نواب أکبر شھباز بگٹیءِ بیرانی سالروچءِ ردا سرجم بیگءِ مقصد دنیاءَ کـُلہ دیگ إنت کہ ما وتی سانڈیں شھیدءِ پدانءِ رندا کپتگیں۔ إے راھا راھی بیگءِ درگتا سرجمیں 'ریاستی زوراکیاں' گـواز کنانیں۔
"شھید أعظمءِ ھشتاد سالگیا وتی سرجمیں آسودگیاں نـَدر کنگا رند کوھاں رَوَگ و شھید بیگءِ إیوکیں مقصد بلوچ قومءِ آزادی أت۔ إے راستیں گپا ھچ کس مہ شموشیت کہ گوں لوگءِ نِندگا ھچ قوم آزاد نہ بیتگ۔ پہ آزادیا مردم کشگ و کوشارینگ إبنت"۔ إنتخاب
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت