پہ بلوچستانءِ آزادیا ماں امریکا جھد کنوکیں مزنتریں بلوچ ٹولی 'أمریکن فرینڈز آف بلوچستان'ءَ شہ ناروے سرکارا دستبندی کت کہ آ لوٹ بہ کنت کہ پورپی یونیں پاکستانءِ فوجی کمکا بند بہ کنت۔ إیشی سبب پاکستان سرکارءِ دستا یکـّوئی بلوچانءِ إنسانی حقانءِ پادمالی إنت۔ پاکستانءِ ناروائیانءِ نوکتریں مثال قانونی راھا پاکستانءِ تر تابا شـُتگیں ناروےءِ شھروند إحسان أرجمندی بلوچءِ دستگیری إنت۔إے إف بیءِ سئے سریں جھدکار محمد علی بلوچ، رشید بلوچ، ملک رحمانی اور غفور بلوچءَ ناروےءِ سفیر 'راستول مٹیس'ءِ ناما ھوریں کاگد نبشتہ کتگ۔ کاگدا ترس ظاھر کنگ بیتگ کہ پاکستانی واک إحسان أرجمندیءِ بَدَنا گوں روکیں سگریٹ داغ کن أنت یا بدنءِ آزایاں بُرّ أنت و چؤش هم بیت کنت که آئیا به کش أنت۔ إے ترسانءِ بن هشت ماں کاگدا پاکستانی واکانءِ پیشی کارکرد ظاھر کنگ بیتگ أنت۔
ماں بلوچ ورنا شنگ بیتگیں حالءِ ردا کاگدءِ نقل أمریکائی واکدار، أمنسٹی إنٹر نشنال، یومن رائٹس واچ و ٹارچرءِ خلافا جھد کنوکیں گلءِ سرا دیم دیگ بیتگ أنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت