معیشتی نابرابری و آھیریں کارباریانی خلافا جھد کنوکاں ماھے سرجم بیگا اِنت کہ امریکاءِ اسٹاک ایکسچینجءِ دیما پہ تھروزی مچ بیتگ اَنت و مچّی روچ پہ روچ مزنتر بیان اِنت۔ ھمے مقصدا دگہ بازیں ملکانی مردماں وتی وتی ملکاں مرچی ظاھری داتگ یا دیگءِ ارادہ کتگ۔ ماں برطانیا ‘Occupy London Stock Exchange‘ نامیں ٹولیا فیصلہ کتگ کہ شھرءِ تجارتی ھندا روچءِ کلاک 12ءَ سرجم بہ بی اَنت۔ ھمے ٹولیا وتی جارےءَ دستبندی کتگ کہ ظاھری دیوک وتا پہ وھد برسین اَنت۔
جارا گشتگ: اگر شما واھوک کہ مھتل بہ بی ات، گڈا گوں وت وراک، آپ و خیموے بیار ات۔ گرمیں گد گورا کن ات۔ پہ وت نپادے ھم آرگءِ جھدا کن ات۔ اے پھکانی کشا پہ شرتریں جھانےءِ جوڑ کنگا باز واک و واھگ ھمراہ کن ات۔
ھمے ردا مرچی ماں آسٹرالیاءِ شھر سڈنی مردماں ظاھری داتگ۔ اودا ٹال کنگ بیتگیں پلاکارڈانی نیاما یکےءَ نبیسگ بیتگ ‘زر ورگ وراکے نہ اِنت‘۔
ٹوکیوءَ کساس 200 کساں ظاھری داتگ و وال اسٹریٹ نیویارکءَ ظاھری دیوکانی پلانگریا فلپینءِ شھر منیلاءَ بازیں مردم امریکاءِ سفارتءِ دیما مچ بیتگ اَنت۔
اودا ماں امریگا ظاھری دیوکانی مچ بیگءِ جاگہ ‘زکوٹی پارک‘ءِ واھنداں زییں روچا پولیس پرمایتگ کہ وال اسٹریٹ خلافا ظاھری دیوکاں شہ اودا در بہ کن اَنت۔ ھمے مقصدا پولیسا بازیں کس دستگیر کتگ اَنت۔ البت مچّیءِ پاد کنگا پولیس بے سوب بیتگ۔
حال شہ اواریں جاگھاں سرجم کتگ۔
هیچ نظری موجود نیست:
ارسال یک نظر
وتی کلوا چێرا نبیس إت