کوئٹہ داکٹرز اسوسی ایشنءِ صدر مزار خان بلوچ ٹارگٹ کلنگءِ آماچ، کشگ بوت۔
مزار خان جمعہ و شنبہءِ درمیانی شپا ماں کوئٹہ تیر جنگ، ٹپّی کنگ بیتگ ات۔ آئی اش پہ دوا درمانا سر وزیر اسلم رئیسانیءِ گرابا سوار کراچیءَ دیم داتگ ات۔ اودا آغا خان نادراھجاھا دوا درمان بیگءِ درگتا بیران بیتگ۔
جسد اش آئیءِ منند جاہ نوشکیءَ دیم داتگ و باندات ھمودا کل کنگ بیت اِنت۔
داکٹر مزار خانءِ کوشءِ خلافا بلوچستانءِ داکٹراں سئے روچا سوگ دارگءِ جار جتگ۔ اے ردا بلوچستانءِ سرجمیں سرکاری نادراھجاھاں داکٹراں شہ کارا دست کشتگ اَنت۔ ایشیءِ سببا پہ دوا درمانا آتکگیں نادراہ پریشانیانی آماچ بیتگ اَنت۔
بلوچ داکٹرز فورمءِ کارگشاد داکٹر آصفءَ شہ واکداراں لوٹ کتگ کہ داکٹر مزار خانءِ کشوکاں رسگا دستگیر بہ کن اَنت۔
حال بی بی سی اردوءِ منّتا۔
هیچ نظری موجود نیست:
ارسال یک نظر
وتی کلوا چێرا نبیس إت