نشنل پارٹیءِ گوانکوا گشتگ: بنجاھی کمانڈءِ بٹاک جنوکیں بی ال افءِ آزادیءِ جھد شہ مئے سرپدیا در اِنت۔ آ سیاسی و جھموری گلاں اوپار کت نہ کن اَنت، نشنل پارٹیءِ جھدکار و کارگسانی سرا حملہ کنگا اَنت، گوادر و دگہ جاگھاں ٹلیفون جن اَنت و شہ مردماں پہ زور زر پچگر اَنت۔ ماں مند منور چکءِ عبدالقادر اش کشتگ و رندا آئیءِ لوگءِ جنیں آدم اش گوں وتی جتگیں ٹلیفوناں پریشان کتگ اَنت۔ المّا ایش ایرجنگی کارکرد اَنت۔
بی ان ام ۔خلیل ٹولی سرکاری پگار وارانی ٹولی اِنت۔ ھر ماہ پہ وتی پگارانی گرگا سرکاری کارگسانی دیما اے دیم و آدیم اَنت۔ خلیلءِ جندا ھچ زحم نہ جتگ، آئیءِ خلافا یک شکایتے کہ ثبت اِنت، بلوچستانءِ آزادیا جھد کنگءِ سببا نہ اِنت، گاڑیے دوزی کنگءِ سببا شکایت ثبت بیتگ۔ خلیل ٹولی وتپرستانی یک ٹولیے کہ پہ وتی جندءِ سیتاں نبیتگیں ھم کن اَنت۔ پمیشا ایشانی گپاں ما حسابا نیاریں و جواب دیگ اش ھم ضروری نہ اَنت۔
حال ڈیلی بلوچءِ منّتا
هیچ نظری موجود نیست:
ارسال یک نظر
وتی کلوا چێرا نبیس إت