”بلوچستان بلوچانی وطن اِنت۔ ایشیءِ مڈی و تیابدپءِ واھند بلوچ اَنت، و ادا راج کنگ بلوچانی قدرتی حق اِنت۔ البت، ٹکی رواجءِ ھمردیا بلوچ وتی اے قدرتی حقا دستگپت نہ کن اَنت“ اے گپ نشنل پارٹیءِ کارگشاد طاھر بزنجوءَ درشان کت۔
کلی جیو ھندا برجاہ داشتگیں دیوانءِ دیما تراں کناں آئیا گیش کت ”بلوچ نوکجوان وتی راجی سفرا گوں وانگ دربرگا بندات بہ کن اَنت و پہ قومءِ راھدربری کنگا گوں نشنل پارٹیءَ ھوار بہ بی اَنت۔ پرچاکہ نشنل پارٹی بلوچ قوما گوں علم و نظریاتی سرپدی یک پلاٹفارمےءِ سرا آرگا دسگٹ اِنت۔“
بلوچ و پٹان رشتگءِ سرا تران کناں طاھر بزنجوءَ گشت ”صداں سال اِنت کہ بلوچ و پٹانءِ براتی رشتگ برجاہ اِنت۔ ما کسا موہ نہ دییں کہ ایشانی نیاما جیڑوے پاد بہ کنت۔ پشتون وتی زمینءِ ٹکرا جاھمنند اَنت و بلوچ وتی سرڈگارا نشتگ اَنت۔ اے حسابا ادا ھچ جیڑوے نیست اِنت۔“ آنلائن
هیچ نظری موجود نیست:
ارسال یک نظر
وتی کلوا چێرا نبیس إت