بنگلادیشءِ آزادیءِ جنگا پاکستانءِ حمایت کنوکیں غدار ملایاں شہ کورٹا بکششءِ دستبندی کت و گشت ”اللہ مردمانی ردیاں بکشیت، پمیشا شما ھم مارا پھِل کن ات۔“
اے پریاتءِ جوابا آزادیءِ جنگولاں، راجی سیاستکاراں و انسانی حقانی پانکجاں خیال درشان کت کہ پھلّی لوٹگ جنگی جرمانی ٹرایبیونلءِ خلافا ملایانی نوکیں پندلے اِنت۔
بنگلادیشءِ آزادیءِ جنگءِ درگتا جماعت اسلامیءَ پاکستانی فوجءِ ھمکوپگیا مردمانی خلافا جنگ کتگ ات۔ شہ ایشاں ھنی بازیں کس دستگیر کنگ بیتگ اَنت۔ دستگیریں مردمانی سرا نسل کُشی، جنسی زوراکی، آس ماندارگ و پلپانچءِ میار لڈگ بیتگ اَنت۔
جنگءِ درگتا ملایانی زوراکیءِ آماچ بیتگیں فردوسی نامیں جنیں آدمےءَ گشت کہ ایشاں سیصد ھزار مردم کشتگ اَنت، صداں جنیں وتی زوراکیءِ آماچ کتگ اَنت، میتگانی میتگ مانداشتگ اَنت، و ھر ڈولا کہ ایشانی دستا بیتگ، انسانی حق لپاشتگ اَنت۔
پمیشا ” انساناں یلہ کن، اللہ ایشاں نہ بکشیت۔“ ”اگر شہ مردماں ایشاں پھلی لوٹگی ات، گڈا انچو سالاں پرچا پھلی اش نہ لوٹتگ“ بانک فردوسیءَ جست کت۔
”نیں گپ شہ پھل کنگءِ سیمسرا گوَستگ۔ ایشانی کتگیں گناھانی بکشگءِ حق نیں کسا نیست اِنت“ بانکا سرکچ دات۔ دی ڈیلی اسٹار
هیچ نظری موجود نیست:
ارسال یک نظر
وتی کلوا چێرا نبیس إت